Rangitāne o Tamaki nui a Rua
Incorporated Society
|
Home • Organisation • Services • Cultural • Photo Albums Stories • Waiata • Contact • Vacancy • Calendar • Site Map • Links |
Peketahi
Peketahi taniwha pai.
Ka piki mai te rā mahana runga maunga e
Ka pai te rangi mō te awa e
Me haere mātou ki te kaukau i te kanihi
Mō te roa o te rangi nei
Peketahi Kaitiaki manaakitia mai
I roto i te wai e rere e
Peketahi Kaitiaki manaakitia mai
I roto i te wai e rere e
Ka tae Kanihi mātou mā runga hōiho e
Ki te wai e rapa ana e
Ka rukuruku mātou rō te wai hohonu e
Ae! Ka pai te kaukau i tēnei rā
Peketahi Kaitiaki ….
Peketahi taniwha mātou mihi nei
Hei tiaki mātou kaukau e
I te awa Manawatū tōu nohoanga e
Kia ora koe mō tēnei rā
Peketahi Kaitiaki ….
Aue! Ka titaha te rā e
Karangaranga mai te hākui e
Kua ngenge te tinana matekai te puku e
Me hoki mātou ki te kāinga e
Peketahi Kaitiaki manaakitia mai
I roto i te wai e rere e
Peketahi Kaitiaki manaakitia mai
I roto i te wai e rere e eee eee ee