Ka Noho a Tāne

Ka noho a Tāne i a Te Kūwhakahara

Ka puta ki waho ko Maire-rau-nui

Tanumia e tama ki te aroaro o Rongmai

Ka tupu ka hau e

Ka noho a Tāne i a te Akatangirea

Ka puta ki waho ko te Kahikatea

Whakawaha i muri rā te Akerautangi e

Ka noho a Tāne i a Mūmūwhango

Ka puta ki waho ko te Tōtara

Tūaina ki raro pōkaia te riu

Ko tapuwae tahi rā tēnā o Tāne

I te ara tauwhāiti e

Iri mai e Tama i runga i te atamira

Te wāhi tiketike kia tai ranga koe

Kia noho mai koe ko te whānau

Takoto a Rangi

Ko Tāne tūturi, ko Tāne pēpeke

Ko Tāne uatika, ko Tāne uaaha

Ko Tāne te Waiora, Tānenui-ā-rangi

Nānā i toko te rangi i runga nei, tū kē ana Rangi,

tū kē i ana Papa

Ka tangi te hau mātao i raro

I he ao mārama e